संसद पुनःस्थापनाको माग गर्दै १४६ सांसदको सर्वोच्चमा रिट

काठमाडौँ । विपक्षी गठबन्धनका १४६ सांसदहरुले संसद पुनस्स्थापना गर्न सर्वोच्च अदालतमा रिट दायर गरेका छन् । रिटमा उनीहरुले संसद पुनस्स्थापनासँगै नेपाली कांग्रेसका सभापति शेरबहादुर देउवालाई प्रधानमन्त्री नियुक्त गर्न माग गरेका छन् ।

सरकारको सिफारिसमा राष्ट्रपति विद्यादेवी भण्डारीले शुक्रबार मध्यरातमा संसद विघटन गरेर ०७८ कात्तिक २६ र मंसिर ३ गते मध्यावधि निर्वाचन घोषणा गरेकी थिइन् । त्यसलाई असंवैधानिक भनेको विपक्षी गठबन्धनले धारा ७६ ९५० अनुसारको प्रधानमन्त्रीमा देउवाको दाबी वैधानिक रहेको भन्दै दाबीमा समर्थन गरेका सांसदको हस्ताक्षरसहित सोमबार रिट तयार पारेका हुन् ।

सर्वोच्च अदालत जानुअघि दलका शीर्ष नेताहरु छलफलमा जुटेका थिए । कांग्रेस सभापति शेरबहादुर देउवा, माओवादी अध्यक्ष प्रचण्ड, जसपाका अध्यक्ष उपेन्द्र यादव, एमाले नेता माधव कुमार नेपाल, माओवादी नेता नारायणकाजी श्रेष्ठ, एमाले नेता भीम रावल लगायत छलफलमा बसेका थिए । सर्वोच्च अदालतमा दायर भएको रिटमा कांग्रेसका ६१, माओवादीका ४८, एमालेका २५, जसपाका १२ र जनमोर्चाका १ गरी १४७ सांसदले हस्ताक्षर गरेका छन् ।