काठमाडौं । लोकप्रिय नायिका पूजा शर्मा विरुद्ध खनिएका सिने पत्रकार प्रकाश सुवेदीलाई अर्की नायिका ऋचा शर्माले कटाक्ष गर्दै प्रकाशको अभिव्यक्तिप्रति असन्तुष्टि जनाएकी छिन् ।
नायिका शर्माले पत्रकार सुवेदीको नाम उल्लेख नगरी अभिव्यक्तिप्रति असन्तुष्टि जनाएकी हुन् । सामाजिक संजाल फेसबुकमा लामो स्टाटस लेख्दै नायिका शर्माले भनेकी छिन्
“त दारे छस्, त काली छस् , भ्यात्त परेकी परेकी छस्, यस्ता शब्द तपाइ लाई राष्ट्रिय टेलिभिजन मा एउटा कार्यकर्म प्रस्तोताले भनेको सुन्दा कस्तो लाग्ला ?
एउटा अभिनेत्री र त्यो भन्दा पहिला एउटा नारीको हैसियतले यस समाजले हामीलाई कसरी जिउनु पर्ने, समाजमा अटाउन कस्तो देखिनु पर्ने, कस्तो लगाउनु पर्ने, कसरी हिड्नु, बोल्नु, खानु पर्ने भनेर बारम्बार सिकाइएको वा टिप्पणीको माला लगाईंदिएको देख्दा, आक्रोश, हिनता र अस्थिरताले सताउछ। मेरो शरीरको बनावट उनीहरुले चाहेझै बनाउ, म आर्टिफिसियल, देखावटी हुन्छु, नबनाउ त म मोटी, दारा भएको, काली, भयात्त परेकी हुन्छु।’
यस्तै उनी थप्छिन्, ‘ जब(जब मान्छेले आफुलाई संरक्षक कहलाई अहँकार र अभिमानको बाटो रोजेका छन, ठूला(ठूला मै हु भन्नेले पनि गद्दी छोड्नु परेको छ। मलाई म र तपाईंलाई तपाईं बन्न नदिनेलाई अब चुप लगाउनुहोस। कसैले हिन्दीमा तपाईलाई उखान सुनाएमा, अंग्रेजीमा, ‘I am unapologetically owning myself, can you kindly shut up?’ भनिदिनुहोस।’
यसअघि नै नायिका पूजाले आँफु विरुद्ध प्रकाशले चरित्रहत्या गरेको र अब चुप लागेर नबस्ने भन्दै सामाजिक संजाल मार्फत खरो प्रतिक्रिया दिइसकेकी छिन् । पूजा शर्माले प्रकाशलाई दिएको खरो जवाफ पढ्नुहोस् जस्ताको त्यस्तै
